Një aksident trafiku mes një kamioni dhe një automjeti pranë Kërçovës !

Një person ka pësuar lëndime të rënda trupore, ndërsa dy persona të tjerë janë lënduar në një aksident trafiku në rrugën magjistrale Kërçovë–Gostivar, pranë fshatit Kollarë.

Sipas Ministrisë së Punëve të Brendshme, aksidenti ka ndodhur më 13 gusht, në orën 07:50. Në të janë përfshirë një automjet transportues i markës “Fiat”, me targa të Shkupit, i drejtuar nga D.K. (56) nga Shkupi, dhe një automjet udhëtarësh i markës “Audi”, me targa të Kërçovës, i drejtuar nga 46-vjeçarja L.K. nga fshati Popojan, rajoni i Kërçovës.

Në përplasje është lënduar rëndë pasagjeri R.G. (39) nga fshati Drugovë, rajoni i Kërçovës. Lëndime trupore kanë pësuar edhe drejtuesja e automjetit “Audi”, L.K., si dhe pasagjeri 74-vjeçar G.G., gjithashtu nga Drugova.

Lëndimet janë konstatuar në Qendrën Mjekësore në Kërçovë.
Për aksidentin është njoftuar prokurori publik, ndërsa këqyrjen në vendin e ngjarjes e ka kryer një ekip i Njësisë së Punëve të Brendshme në Kërçovë.

/ts