Mërgimtari përfshihet në aksidentin tragjik! Ngushllime familjes

Aksidenti ka ndodhur mëngjesin e së enjtes në fshatin Graçkë e Vogël, ku janë përplasur dy vetura, njëra prej tyre me targa gjermane, transmeton albinfo.ch. Si pasojë e përplasjes së dy veturave, një person ka humbur jetën, ndërsa dy të tjerë kanë pësuar lëndime.

Sipas raportimeve, aksidenti ka ndodhur më 13 gusht, rreth orës 10:00. Në aksident janë përfshirë një Volkswagen Golf dhe një Volkswagen Passat, ky i fundit me targa të Gjermanisë.

Viktima është identifikuar me inicialet F.S., rreth 72-vjeçar, i cili dyshohet se ishte duke drejtuar Golf-in. Ai ka humbur jetën si pasojë e plagëve të marra në aksident.

Në njërën prej veturave ndodhej edhe A.S., rreth 41-vjeçare, e cila ka pësuar lëndime të rënda. Në aksident është përfshirë edhe një Passat i zi me targa gjermane, të cilin, sipas raportimit, e drejtonte A.R., rreth 39-vjeçar. Edhe ai ka mbetur i lënduar.

Në vendin e ngjarjes kanë dalë njësitet përkatëse policore dhe ekipet emergjente, ndërsa Prokurori kujdestar në Shtetit ka autorizuar Njësinë e Hetimeve të Trafikut për ndërmarrjen e veprimeve të nevojshme hetimore.

Rrethanat dhe shkaqet e sakta të aksidentit pritet të përcaktohen pas hetimeve nga autoritetet kompetente.

/Albinfo.ch