Gjendet drogë në rajonin e Kërçovës, arrestohen dy persona dhe ngrihet kallëzim penal!

Më 11.08.2026, në orën 21:30, në fshatin Sërbjan të Kërçovës, punonjësit e policisë nga Njësia e Punëve të Brendshme Kërçovë arrestuan I.B. (43) dhe A.L. (29), të dy nga Kërçova. Paraprakisht, punonjësit e policisë i kishin dhënë shenjë ndalimi një automjeti të tipit “Peugeot”, me targa të Kërçovës, të drejtuar nga I.B., ndërsa A.L. ishte pasagjer. Ata hodhën nga dritarja e automjetit një pako me lëndë të bardhë në formë pluhuri, e cila u gjet dhe u sekuestrua.

Gjatë ndërmarrjes së masave u konstatua gjithashtu se I.B. e drejtonte automjetin ndërkohë që ndaj tij ishte në fuqi ndalimi për drejtimin e automjeteve të kategorisë B. U njoftua prokurori publik dhe, me urdhër të tij, automjeti u sekuestrua.

Njësia e Punëve të Brendshme Kërçovë paraqiti kallëzim penal në Prokurorinë Themelore Publike të Kërçovës. Më pas, gjyqtari i procedurës paraprake pranë Gjykatës Themelore të Kërçovës u caktoi masën e paraburgimit prej 30 ditësh, ndërsa ata u dërguan në Institucionin Ndëshkues-Korrektues, Burgun e Manastirit, për vuajtjen e masës.

/ts