Nëntë zjarre në ambient të hapur! Njëri në fshatin Zajaz !

Gjithsej nëntë zjarre në ambient të hapur janë regjistruar sot deri në orën 13:00, nga të cilat pesë janë aktive, tre janë nën kontroll dhe një është shuar, njoftoi Qendra për Menaxhim me Kriza (QMK).

Zjarret janë aktive në Makedonski Brod, në vendin Vidush pranë fshatit Dragov Doll, ku digjet bimësi e ulët, pyje dhe shkurre; në Studeniçan, mbi fshatrat Moranë, Vërtekicë dhe Gaber, ku është prekur pyll i përzier; në komunën e Ilindenit, në vendbanimin Ilinden, ku digjet bimësi e ulët; në Zhelinë, pranë fshatit Çiflik, me bimësi të ulët dhe pyje të përziera të prekura, si dhe në Manastir, pranë fshatit Bukri, ku digjet bimësi e ulët.

Nën kontroll janë zjarret në deponinë e qytetit në Dellçevë, pranë Novosellës në malin Ograzhden dhe pranë fshatit Zajaz në Kërçovë, ku janë prekur kashtë, pyll pishe dhe goma. Është shuar zjarri në fshatin Vranjovcë, Komuna e Vrapçishtit, ku digjej bimësi e ulët.

/telegrafi