Remzi Memedi: Beteja po zhvillohet mes atyre që vrasin shpresën dhe atyre që ushqejnë shpresën!
Kandidati për deputet nga koalicioni ASh-AAA për njësinë e pestë zgjedhore, Remzi Memedi nga tubimi në Kërçovë theksoi se Kërçova është vendi ku gjërat gjithmonë kanë shënuar kthesën e parë për ndryshime.
“E them këtë sepse nuk është një moment i zgjedhjeve të zakonshme. E cilësoj se është një betejë shumë e rëndësishme e cila do ti jep fund tranzicionit më të thellë politik brenda shqiptar këtu në RMV që nga pavarësimi i saj. Është momenti kur beteja po zhvillohet midis të vjetrës, të keqe e të harxhuar dhe të resë e cila premton. Është beteja midis atyre që vrasin shpresën dhe atyre që e ushqejnë shpresën” tha kandidati për deputet Remzi Memedi.
Ai gjithashtu theksoi se koalicioni ASh-AAA kryefjalë të programit të vet zgjedhor e ka drejtësinë dhe barazinë e shumë kërkuar nga shqiptarët, mungesa e të cilave me vite ua ka vështirësuar jetën shqiptarëve.
“Ne jemi ata që bashkojmë, ne jemi ata që mund të bëjmë një shtet të barabartë, me arsim dhe shëndetësi cilësore. Ndryshimi vjen duke rrethuar numrin 5”, përfundoi Memedi.
/in7tv
