Gjermania në krizë ekonomike ! Humb 15 mijë vende pune çdo muaj

Sektori industrial në Gjermani humb rreth 15 mijë vende pune çdo muaj, paralajmëroi drejtuesja e Federatës së Industrive Gjermane (BDI), Tanya Gönner.

Zhvillimet gjeopolitike, si politikat tarifore të SHBA-së dhe dominimi në rritje industrial i Kinës, po ndikojnë në industrinë gjermane.

Në një deklaratë për agjencinë DPA, Gönner tha se situata në sektorin industrial është kritike, por ende ekziston mundësia që gjërat të përmirësohen.

“Jam e bindur se nëse e kryejmë detyrën tonë në vend, do të kemi sërish mundësi. Inovacioni ka qenë prej kohësh prioritet kryesor për shumë kompani”, tha Gönner.
Sipas saj, zgjidhja duhet të kërkohet përmes investimeve në teknologji të reja, siç është inteligjenca artificiale.

/ts