Gjykata Penale, Muamet Sejdini u lirua nga paraburgimi

Ish-presidenti i Federatës së Futbollit të Maqedonisë, Muhamet Sejdini, lirohet nga paraburgimi.
Për t’u liruar, ai ka deponuar pasuri të patundshme me vlerë mbi 1.15 milion euro, njofton Gjykata Penale. Si masë paraprake për të siguruar praninë e tij, Sejdinit i janë konfiskuar dokumentet e udhëtimit.

“Një gjyqtar në një procedurë paraprake në Gjykatën Themelore Penale në Shkup, duke vepruar sipas një propozimi nga mbrojtja e të dyshuarit M.S., ish-president i Federatës së Futbollit të Maqedonisë, nxori një vendim me të cilin pranoi garancionin e ofruar në shumën prej mbi 1.150.000 eurosh, që konsiston në vendosjen e një hipoteke mbi pasurinë e patundshme, dhe ia hoqi masën e paraburgimit.”, thuhet në njoftimin e gjykatës.

Ish-kreu i Federatës së Futbollit të Maqedonisë dyshohet për përvetësim të 700.000 eurove të ndara nga UEFA për zhvillimin e futbollit në Maqedoni, si dhe për shpërdorim të detyrës. Fondet ishin të destinuara për punime ndërtimi në stadiumin e Ohrit.

/mrt