Puntori nga India lëndohet në autostradën Kërçovë–Ohër !

Më 23.07.2026, në ora 10:45, në SPB Kërçovë është raportuar se në autostradën në ndërtim Kërçovë–Ohër, mes fshatrave Izvor dhe Popoec të Kërçovës, S.J. (25) nga India, i cili ishte i angazhuar në ndërtimin e autostradës, duke drejtuar një kamion të tipit MAN me targa të Shkupit, ka humbur kontrollin mbi automjetin dhe është përmbysur.

Ai është transportuar me autoambulancë në Spitalin e Përgjithshëm të Kërçovës, ndërsa këqyrjen e vendit të ngjarjes e kanë kryer ekipet e policisë.

SPB Kërçovë, në bashkëpunim me prokurorin publik dhe institucionet e tjera kompetente, po punon për zbardhjen e plotë të rastit, pas së cilës do të ndërmerren masat dhe procedurat përkatëse, njoftoi për mediat zëdhënësi i SPB Ohër, Stefan Dimoski.

/porta.mk