Reagon kompania Kimi & Ibra nënkontraktuese në kanalizimin në Zajaz: Kemi kryer punët, pagesa nuk është kryer

Kimi & Ibra mohon përfitimet nga projekti i kanalizimit në Zajaz: Kemi kontest gjyqësor me kompaninë bartëse

Kompania Kimi & Ibra ka reaguar pasi u publikuan kontrata bashkëpunimi mes kompanisë azerbajxhanase “Akelik” dhe disa kompanive vendore në kuadër të projektit të kanalizimit në Zajaz.

Në reagimin e saj, kompania mohon pretendimet për përfitime nga projekti, duke theksuar se nuk ka realizuar fitime nga angazhimi në këtë projekt.

Madje, nga Kimi & Ibra bëjnë të ditur se me kompaninë bartëse “Akelik” kanë kontest gjyqësor për shkak të mospërmbushjes së detyrimeve kontraktuale, duke theksuar se pikërisht për këtë arsye nuk qëndrojnë pretendimet se kompania ka qenë përfituese nga projekti.

Reagimi vjen pasi VLEN kërkoi nga Policia Financiare dhe Prokuroria Publike që të zgjerojnë hetimet për projektin e kanalizimit në Zajaz dhe të verifikojnë rolin e kompanive të angazhuara si nënkontraktuese, si dhe çdo lidhje eventuale me persona të tjerë.

Kompania Kimi & Ibra, ndërkaq, insiston se pozicioni i saj në këtë projekt është krejtësisht ndryshe nga ai që është paraqitur në opinion dhe se çështja me kompaninë bartëse tashmë është objekt i procedurave gjyqësore.

/zyrtare.net