TV Gurra: Kërcënimet ndaj gazetarit Rami Mislimi dhe familjes së tij janë të papranueshme

TV Gurra ka shprehur solidaritet dhe mbështetje për gazetarin dhe pronarin e portalit Tetova Sot, Rami Mislimi, pas pretendimeve të tij publike se është kërcënuar nga Albi Qamili.

Sipas një postimi të publikuar nga Mislimi në Facebook, ngjarja ka ndodhur teksa ai ndodhej para objektit të Komunës së Tetovës.

TV Gurra dënon çdo formë kërcënimi, presioni apo intimidimi ndaj gazetarëve, pavarësisht bindjeve politike, mediumit ku punojnë apo qëndrimeve editoriale.

Sipas televizionit, çdo sulm ose kërcënim ndaj një gazetari përbën sulm ndaj lirisë së shprehjes dhe të drejtës së qytetarëve për t’u informuar lirshëm.

/tvgurra