Ja cfar ndodhi sot në Kërçovë ?

Vendosja e një banderole me mbishkrimin “Mirë se vini mërgimtarë” në hyrje të qytetit të Kërçovës, ka nxitur tensione mes policisë dhe qytetarëve, pasi nga SPB Kërçovë është kërkuar largimi i saj, përcjell TV21. Pas përpjekjeve të policisë për largimin e banderolës, u mblodh një grup qytetarësh të Kërçovës, të cilët nuk lejuan largimin e mbishkrimit.

Në mesin e qytetarëve ishte edhe ish-kandidati për kryetar komune, Shkodran Alili, i cili theksoi se nuk do të lejojnë një veprim të tillë dhe se do të qëndrojnë rezistentë deri në fund, pavarësisht përpjekjeve.

“Prej këtu shfrytëzoj rastin që ta informoj opinionin dhe njerëzit që na mbështesin se ne do ta lëmë Policinë e Kërçovës ta zbatojë urdhrin nga ana e institucioneve komunale dhe do të presim.

Ashtu siç është premtuar edhe nga ana e policisë edhe nga ana e institucioneve lokale, se nesër do të kemi një zgjidhje përfundimtare, që do të aprovohet që këto banderola të jenë në të njëjtin vend dhe t’u bëjmë respektin mërgimtarëve tanë që e mbajnë vendin gjallë”, tha Shkodran Alili – ish-kandidat për kryetar komune në Kërçovë.

/tv21