Eskalon situata në Kërçovë ! (VIDEO)

Shkodran Alili: Të rishqyrtohet vendimi dhe të sqarohet tentativa për largimin e banderolave në gjuhën shqipe për mirëseardhjen e mërgimtarëve
Shkodran Alili nga Lëvizja Qytetare “Te Berza” ka kërkuar rishqyrtimin e vendimit dhe sqarim publik lidhur me informacionet se është tentuar të largohen banderolat me mbishkrime në gjuhën shqipe, të vendosura për t’u uruar mirëseardhje mërgimtarëve në Komunën e Kërçovës.

Sipas disa informacioneve qe i kemi marrë edhe nga disa punonjës të Ndërmarrjes Publike Komunale, të cilët pretendojnë se kanë marrë urdhër për largimin e banderolave, por kanë refuzuar ta zbatojnë atë.
Po ashtu, sipas deklarimeve të punonjësve të kontaktuar, ndaj tyre është ushtruar presion me paralajmërime për masa të mundshme disiplinore dhe largim nga puna në rast të moszbatimit të urdhrit. Punonjësit kanë shprehur shqetësim për situatën dhe pasojat e mundshme.

Lëvizja Qytetare “Te Berza” u bën thirrje institucioneve kompetente që të japin sqarime për këtë rast dhe, nëse këto pretendime rezultojnë të sakta, të ndërmerren masat e nevojshme për mbrojtjen e të drejtave të punonjësve dhe respektimin e përdorimit të gjuhës shqipe.
Në reagim theksohet se mërgata është një nga shtyllat kryesore të zhvillimit ekonomik dhe shoqëror të Kërçovës.

Mirëseardhja për mërgimtarët, sipas tyre, duhet të jetë një përgjegjësi institucionale e Komunës dhe jo një çështje që krijon polemika.
Banderolat që urojnë mirëseardhje për mërgimtarët duhet të shihen si shenjë respekti dhe mirënjohjeje për kontributin e madh të diasporës ndaj qytetit dhe familjeve të tyre.