Nuk do të tolerohet më puna në të zezë !

Qeveria ka paralajmëruar masa të rrepta kundër punës në të zezë, duke bërë të ditur se kontrollet do të intensifikohen në të gjithë vendin, me fokus të veçantë te restorantet, lokalet dhe objektet afariste.

Sipas paralajmërimeve, bizneset që ushtrojnë veprimtari në kundërshtim me ligjin, punësojnë punëtorë pa kontrata ose nuk i respektojnë detyrimet ligjore, do të përballen me masa ndëshkuese, përfshirë gjoba dhe mbylljen e përkohshme ose të përhershme të aktivitetit.

Autoritetet u bëjnë thirrje të gjithë pronarëve të bizneseve që të respektojnë ligjin, të regjistrojnë aktivitetin e tyre dhe të punësojnë punëtorët në mënyrë të rregullt, në mënyrë që të shmangin sanksionet dhe të sigurojnë një treg të drejtë e të ligjshëm.

/tvgurra