Diaspora sjell mbi 10 milionë euro gjatë sezonit veror në Kërçovë
Vera i jep jetë Kërçovës, mërgata dyfishon numrin e banorëve dhe fuqizon ekonominë lokale
Me ardhjen e sezonit veror, Kërçova gjallërohet ndjeshëm falë kthimit të mërgimtarëve nga vende të ndryshme të Evropës dhe botës. Gjatë muajve të verës, numri i njerëzve në qytet pothuajse dyfishohet, ndërsa rrugët, lokalet, restorantet dhe bizneset mbushen me vizitorë.
Sipas vlerësimeve, mërgata sjell në ekonominë lokale mbi 10 milionë euro gjatë sezonit veror, duke rritur ndjeshëm qarkullimin në tregti, gastronomi, turizëm dhe sektorin e shërbimeve.
Kërçova po shndërrohet gjithnjë e më shumë në një destinacion tërheqës veror, ku përveç vizitave familjare, vizitorët shijojnë natyrën, traditën, gastronominë dhe aktivitetet kulturore.
Mërgata vazhdon të mbetet një shtyllë e rëndësishme për zhvillimin ekonomik dhe shoqëror të qytetit.
/tvgurra
