Rriten përsëri çmimet e naftës!

Çmimet e naftës u rritën sot me më shumë se 2%, pas sulmeve ndaj anijeve tregtare në dhe rreth Ngushticës së Hormuzit, duke rikthyer shqetësimet për ndërprerje të furnizimit global me energji.

Nafta e tipit Brent tregtohej rreth 74 dollarë për fuçi, ndërsa nafta amerikane WTI rreth 70 dollarë për fuçi, sipas të dhënave të Trading Economics.

Incidentet e fundit kanë shtuar shqetësimin e kompanive të transportit detar dhe kanë vënë në pikëpyetje qëndrueshmërinë e marrëveshjes ndërmjet Shteteve të Bashkuara dhe Iranit, e cila synon të parandalojë sulmet në Ngushticën e Hormuzit, një nga korridoret më të rëndësishme detare për transportin e naftës në botë.

/ts