Kërçovë: Njeriu i duhur në vendin e duhur – Bekim Jusufi po krijon kushte moderne për të gjithë nxënësit

Shkolla Fillore “Sande Shterjoski”, një nga shkollat më të mëdha në qytet, ku mësimi zhvillohet në tri gjuhë – shqip, maqedonisht dhe turqisht – dhe ku arsimohen nxënës të të gjitha komuniteteve, po vazhdon të investojë në krijimin e kushteve bashkëkohore për një proces mësimor sa më cilësor.

Investimi më i ri është krijimi i një qëndrimi ditor, një hapësirë moderne dhe funksionale, e projektuar për t’iu përgjigjur nevojave të fëmijëve. Aty nxënësit do të kenë mundësi të mësojnë, të lexojnë, të pushojnë, të luajnë dhe të zhvillojnë aktivitete kreative pas përfundimit të mësimit.

Ky projekt konsiderohet një risi në nivel rajonal, pasi ofron një ambient të dedikuar që mbështet zhvillimin edukativ, social dhe emocional të nxënësve, duke u përshtatur me nevojat e tyre të përditshme.

Realizimi i investimit është bërë falë angazhimit të menaxhmentit të shkollës, të udhëhequr nga drejtori Bekim Jusufi, me synimin për të krijuar një mjedis më të sigurt, më funksional dhe më cilësor për të gjithë nxënësit.

Qëndrimi ditor do të ketë edhe një rol praktik, pasi nxënësit që përfundojnë mësimin më herët do të mund të qëndrojnë në këtë ambient të sigurt deri në ardhjen e prindërve për t’i marrë.

Projekti është hartuar nga zyra projektuese Inxhinieria e Ndërtimit, nën drejtimin e Festim Ademit, duke ofruar një zgjidhje moderne dhe të përshtatshme për përdorimin e përditshëm nga nxënësit.

/tvgurra