Arrestohen 18 shoferë për drejtim të papërgjegjshëm të automjeteve! Dy nga Kërçova

Gjatë 24 orëve të fundit, në të gjithë territorin e vendit, zyrtarët policorë kanë privuar nga liria 18 drejtues automjetesh që kanë drejtuar pa patentë shoferi, prej të cilëve dy ishin të mitur.

Pesë persona u arrestuan në Gostivar, ku njëri ishte i mitur, ndërsa një tjetër kishte qenë i përfshirë më herët në një aksident trafiku. Katër persona u arrestuan në Shkup, dy në Kërçovë – njëri prej tyre i mitur – si dhe nga një person në rajonin e Tetovës, Krivogashtan, Prilep dhe Manastir.

Një person në Dellçevë është kapur duke drejtuar automjetin nën ndikimin e alkoolit.
Ndërkaq, nga një person në Kërçovë dhe Kavadar janë ndaluar pasi drejtonin automjetin pavarësisht se kishin të shqiptuar masën e ndalimit të drejtimit të mjeteve motorike.

Pas dokumentimit të plotë të rasteve, ndaj tyre do të ngrihen kallëzimet përkatëse penale.
Policia u bën apel të gjithë pjesëmarrësve në komunikacion që të respektojnë rregullat dhe dispozitat e trafikut, të mos drejtojnë automjete pa patentë shoferi, nëse u është ndaluar drejtimi i mjeteve motorike ose nëse janë nën ndikimin e alkoolit, në mënyrë që së bashku të kontribuojmë për një komunikacion më të sigurt.

/ts