Refuzuan “Qoshin Amerikan”, por u fotografuan në Ambasadën e SHBA-së ?

Komuna e Kërçovës dhe kryetari i saj refuzuan propozimin që, në kuadër të projektit “Kërçova – Qytet i Kulturës”, të realizohej një “Qosh Amerikan” për të shënuar 250-vjetorin e Pavarësisë së Shteteve të Bashkuara të Amerikës.

Një aktivitet i tillë do të ishte një shenjë respekti për partneritetin me SHBA-në, por edhe për mijëra mërgimtarë nga Kërçova që jetojnë në Amerikë, shumë prej të cilëve janë shtetas amerikanë dhe çdo vit kontribuojnë në ekonominë lokale duke investuar dhe kaluar pushimet në vendlindje.

Megjithatë, vetëm pak kohë më pas, përfaqësuesit e Komunës publikojnë fotografi nga pritja e organizuar në Ambasadën e SHBA-së me rastin e Ditës së Pavarësisë. Kjo ngre një pyetje të thjeshtë: nëse festimi i 250-vjetorit ishte i rëndësishëm për t’u nderuar në Shkup, pse nuk ishte i denjë të shënohej edhe në Kërçovë?

/tvgurra