Verë e nxehtë për Kërçovarët! As pa ministra as pa pare !

Rikonstruimi i Qeverisë ka hapur diskutime edhe për përfaqësimin e Kërçovës në institucionet qendrore. Deri tani nuk është bërë e ditur ndonjë emër nga Kërçova që do të marrë funksion ministror apo një post tjetër të rëndësishëm në kuadër të ndryshimeve.

Në opinion po qarkullon pyetja nëse Kërçova do të mbetet sërish pa përfaqësim në nivel qendror. Duke qenë se koalicioni VLEN udhëhiqet nga dy kryetarë, nuk mungojnë komentet se qyteti mund të mbetet “prej dy babash pa kësulë”, një shprehje që përdoret për të përshkruar situatat kur askush nuk merr përgjegjësi.

Mbetet të shihet nëse në fazat e ardhshme të emërimeve Kërçova do të përfaqësohet me funksione të rëndësishme, apo do të vazhdojë të mbetet pa zë në nivelin më të lartë të ekzekutivit.

Gjithashtu si që dihet botërisht Kërçovarët kan humbur edhe mbi 20 miljon Euro nga një këmbimore private që e thellon edhe më shum krizën e këtij qyteti i cili mezi se e mban shpirtin.

Kjo verë do jetë shum e nxehtë për Kërçovën dhe Kërçovarët

/ms