“U tha nuk u bë” rikujtohen premtimet e shkelura të BDI-së (VIDEO)

Lajme nga Maqedonia

Nën moton, U THA NUK U BË, ekonomisti Visar Ademi, në tre publikime të njëpasnjëshme ka rikujtuar 34 premtime të Bashkimit Demokratik për Integrim nga programi parazgjedhor i zgjedhjeve parlamentare të vitit 2011, të cilat kjo parti ende nuk i ka realizuar, ndërsa një pjesë të madhe prej tyre vazhdon t’i premtojë edhe pas 9 vitesh. Vetëm për regjionin e Pollogut, Ademi ka përmendur 16 premtime për investime dhe projekte të cilat janë jetike për banorët e kësaj ane, por që ende mbeten vetëm në letër.

Visar Ademi

PLATFORMA E BDI-së: ZGJEDHJET 2011

Per regjionin e Pollogut

Ndërtimi i deponisë regjionale (tenderimi për investitor është në vijim),
Stacion filtrimi për pastrimin e ujërave të zeza (do të bëhet studim fizibiliteti për Tetovë, Gostivar dhe Tearcë),
Hidrosistemi për ujitje në fushën e Pollogut (do të bëhet studim fizibiliteti),
Qendra turistike Kodra e Diellit (investime dhe modernizim),
Finalizimi sistemit të ujësjellësit në Tetovë,
Ndërtimi i bibliotekës dhe teatrit të qytetit në Tetovë,
Teatri i qytetit në Tetovë,
Basen olimpik në Tetovë,
Rikonstruimi i stadiumit të qytetit në Tetovë,
Investime në zonën teknologjike industriale zhvillimore në Tetovë,
Qendër për grumbullimin e produkteve bujqësore në Pollog,
Ndërtimi i stacionit filtrues të ujit të pijshëm në Gostivar,
Rikonstruim i sallës së sportit në Gostivar,
Rikonstruimi i shtëpisë së kulturës në f. Negotinë,
Ndërtim i bibliotekës dhe sallës së sportit për Universitet Shtetëror i Tetovës,
Rikonstruktimi i rrugës Tetovë-Gostivar. Rikonstruktimi dhe zgjerimi i rrugës regjionale që lidh vendbanimet rurale rrëzë Sharrit ndërmjet Tetovës dhe Gostivarit.
U THA, NUK U BE!!!

Gazifikimi, investime në Kodrën e Diellit, menaxhimi me mbeturinat dhe shumë projekte të tjera, bëjnë pjesë në 11 premtimet e BDI-së nga fusha e energjetikës të cilat ekonomisti Visar Ademi i ka rikujtuar pas nëntë viteve.

Visar Ademi

PLATFORMA E BDI-së: ZGJEDHJET 2011- vazhdim

Projektet kryesore në energjetikë:

Lugina e Vardarit, 12 HEC (1.5 miljardë euro)
HEC Çebren dhe HEC Galishtë (600 milion euro)
HEC Ura e Boshkut (80 milion euro)
Central me erë, tre lokacione (200 milion euro)
Centrale me diell (50 milion euro)
Largpërëuesit elektroenergjetik Maqedoni-Kosovë dhe Maqedoni-Shqipëri (23 milion euro)
Gasifikimi (250 milion euro)
Projekti rajonal për menaxhimin me mbeturinat në rajonin planor të Pollogut është në procedurë të koncesionimit dhe pritet të realizohet me investitor që kanë përvojë.
(faqe 79)

Kodra e Diellit me investime që do e modernizojnë dhe shndërojnë në qendër të njohur rajonale për skijim dhe turizëm alternativ. (faqe 85)
Riaktivizim i rikonstruktimit të Sahat Kullës në Tetovë dhe Urës së Kazazëve mbi lumin Shkumbin.
Nominimi i Xhamisë së Larme në Tetovë dhe Muzeut të Alfabetit në Manastir për mbrojtje nën UNESCO.(faqe 110)
U THA, KURRE NUK U BE!!!

Edhe në programin aktual për zgjedhjet e 15 korrkut, BDI ka vazhduar të premtojë një sërë projektesh strategjike integruese dhe invstime në sferën e transportit, të cilat janë huazuar nga programi i vitit 2011, që atëherë u thanë dhe për 9 vite kurrë nuk u bënë.

Visar Ademi

PLATFORMA E BDI-së: ZGJEDHJET 2011- vazhdim

PROJEKTET STRATEGJIKE INTEGRUESE

Transport:

Autostrada Korridori 8 (Shkup- Bllacë; Shkup-Qafë Thanë). Ankandi ndërkombëtar i hapur për koncesionim, për investim me vlerë rreth 600 milion euro.
Hekurudha Korridori 8 (Kërçovë-Lin). Ka përfunduar projekti ideor, do të fillojë projekti themelor dhe studimi i fizibilitetit për ndërtim të hekurudhës dhe investim rreth 300 milion euro. Gjithashtu, me rëndësi është modernizimi i hekurudhës gjatë gjithë Korridorit 8 me qëllim që të bëjë atraktiv këtë trajektore të rëndësishme të transportit.
Hekurudha Korridor 10. Modernizimi i hekurudhës që të jetë kompatibil me shtet tjera të rajonit me vlerë afër 18 milion euro.
Rruga e Arbërit (Kërçovë – Urra e Boshkut). Do të ndërtohet rrugë e re, që paraqet një krah të ri në trajektoren e Rrugës së Arbërit, e cila do të lidhë Kërçovën dhe Dibrën, dhe do të vazhdojë në pjesën që ndërtohet në Shqipëri.
Rruga Tetovë-Jazhincë. Zgjerim i rrugës dhe shqyrtim i mundësisë për rrugë të re dhe terminal të ri doganor.
Rruga Tetovë-Prizren. Studim fizibilitet për të analizuar mundësinë e një rruge të re që mund të lidhë këto dy vendbanime dhe arsyeshmërinë ekonomike.
Rrugë dhe vendkalime të reja kufitare. Rruga Llojane-Miratovc (Kumanovë- Preshevë), Stançiq-Bellanovc (Likovë-Gjilan), Tanushë-Debëllde, si dhe me Shqipëri – Trebishtë Xhepishtë dhe Prespë- Korçë.
U THA, KURRË, NUK U BË!

Në disa pastime të ngjashme në profilin e tij zyrtar në rrjetet sociale, ekonomisti Visar Ademi ka demaskuar fushatën e BDI-së, duke potencuar se votuesit shqiptarë nuk kanë nevojë për retorikë folklorist, por për projekte dhe investime kapitale që do të përmirësojnë standardin e tyre jetësor. Ai dhe shumë ekspertë të tjerë shpesh herë kanë akuzuar se këtë retorikë BDI e përdor pikërisht për të mbuluar premtimet e parealizuara të premtuara nga dy tre ciklet e mëparshme zgjedhore.

VIDEO: