Shpëtohet Kërçovari nga një teren Shum i ndërlikuar !

Pak më parë, Njësia Territoriale e Zjarrfikësve dhe Shpëtimit (TPPE) në Kërçovë, në koordinim me Policinë e Kërçovës (OVR) dhe ekipet e Ndihmës së Shpejtë pranë Spitalit të Përgjithshëm të Kërçovës, nxorën nga një terren i vështirë për t’u arritur një person që ishte raportuar i zhdukur që nga e shtuna, më 20 qershor, pasi ishte larguar nga shtëpia e tij.

Sipas informacioneve nga terreni, TPPE Kërçovë, në një aksion shumë mirë të organizuar, arriti të shpëtojë nga një vend i paarritshëm një 50-vjeçar nga Kërçova, i cili, në rrethana ende të paqarta, dyshohet se kishte humbur kontrollin e biçikletës dhe kishte rënë jashtë rrugës, pranë fshatit Karbunicë të Kërçovës.

Aktualisht, ekipet e Spitalit të Përgjithshëm kanë kryer menjëherë një kontroll të detajuar mjekësor për të konstatuar nëse personi ka pësuar lëndime.

Më herët gjatë ditës së sotme, zëdhënësi i Drejtorisë së Punëve të Brendshme të Ohrit, Stefan Dimoski, publikoi edhe një njoftim zyrtar në buletinin ditor për media lidhur me personin e raportuar si i zhdukur, ku thuhej:

“Me datë 23.06.2026, në ora 16:30, në Policinë e Kërçovës është raportuar se më 20.06.2026 nga shtëpia familjare është larguar E.M. (50) nga Kërçova. Po ndërmerren masa për gjetjen e tij.”

Nga media jonë përshëndesim aksionin e TPPE-së, Policisë së Kërçovës dhe personelit mjekësor për angazhimin dhe profesionalizmin e treguar në gjetjen dhe shpëtimin e qytetarit.

/porta.mk