Almir Mirtoski nga fshati Lisiçan i Kërçovë me arritje të larta në univerzitetin e Kajros

Me kënaqësi të madhe e urojmë nxënësin Almir Mirtoski nga fshati Lisicani, i komunës së Kërçovës në Republikën e Maqedonisë së Veriut, me rastin e marrjes së ixhazetit në një metodë kuranore me zinxhir të pandërprerë transmetimi deri te i Dërguari i Allahut ﷺ, në një nga transmetimet e Kuranit Fisnik. Ai e ka përfunduar leximin dhe mësimin përmendësh të Kuranit sipas rregullave dhe parimeve të njohura nga dijetarët e këtij arti.

Ky ixhazet është lëshuar nga një prej dijetarëve të Az’harit të Nderuar në Kajro, me një sened (zinxhir transmetimi) që lidhet me imamët e kiraeteve, pastaj me sahabët e nderuar e deri te i Dërguari i Allahut ﷺ.

Lusim Allahun e Madhëruar që Kurani Fisnik të jetë pranvera e zemrës së tij dhe drita e kraharorit të tij, që ta bekojë në dijen dhe veprat e tij, dhe ta bëjë atë të dobishëm për Islamin dhe myslimanët.

/azharpress.com