Tragjedi në Gjermani: Nëna harroi vajzën 1-vjeçare në automjet, fëmija humbi jetën !
Një vajzë 1-vjeçare ka humbur jetën në qytetin Schorndorf, në landin gjerman Baden-Württemberg, pasi kishte qëndruar për disa orë e mbyllur në një automjet, raportojnë mediat gjermane.
Sipas informacioneve të para nga hetimet, fëmija ishte harruar në automjet nga nëna e saj 44-vjeçare. Policia njoftoi se të mërkurën rreth orës 14:50 ka pranuar një denoncim për një fëmijë pa shenja jete në një makinë të parkuar në rrugën “Richard-Kapphan”.
Shërbimet emergjente kanë mbërritur menjëherë në vendngjarje, por fatkeqësisht nuk kanë mundur ta shpëtojnë vajzën. Autoritetet po hetojnë rrethanat e plota të kësaj ngjarjeje tragjike.
Sipas të dhënave të deritanishme, nëna e ka gjetur vajzën e saj 1-vjeçare në automjet vetëm në orët e pasdites, disa orë pasi e kishte lënë aty.
Megjithëse ekipet e emergjencës kanë nisur menjëherë reanimimin në vendngjarje, mjekët nuk kanë arritur ta shpëtojnë vajzën, e cila fatkeqësisht ka ndërruar jetë.
/ts
