Regjistrimet në SHMK “Drita”: Vetëm gjysma e semimaturantëve aplikuan në afatin e parë ?

Sot u zhvillua dita e parë e regjistrimeve në SHMK “Drita”. Nga gjithsej 146 semimaturantë që kanë përfunduar arsimin fillor në rajonin e Kërçovës, vetëm 101 u paraqitën për regjistrim në afatin e parë.

Nxënësit kanë shprehur interes për drejtimet e gjimnazit të përgjithshëm, ekonomisë, elektroteknikës dhe farmacisë. Ndërkohë, drejtimi i makinerisë është mbyllur sivjet.

Drejtuesit e shkollës presin që gjatë ditës së nesërme të paraqiten edhe semimaturantët e tjerë, me qëllim që procesi i regjistrimit të përfundojë me sukses dhe të gjithë nxënësit të sigurojnë vazhdimin e arsimit të mesëm në drejtimin e tyre të preferuar.

/tvgurra