Arrestohet shoferi që goditi një punëtor nga Kina në autostradën në ndërtim Ohër – Kërçovë ?

Më 15.06.2026, në ora 07:55, në SPB Ohër është raportuar se në autostradën në ndërtim Ohër–Kërçovë, pranë fshatit Orman (Komuna e Debërcës), K.Sh. (32) nga fshati Koroshishtë i Strugës, duke drejtuar një automjet të tipit “Mercedes” me targa të Strugës, ka humbur kontrollin mbi automjetin, është përplasur fillimisht në një pusetë dhe më pas ka goditur L.J. (46), shtetas i Republikës Popullore të Kinës, me qëndrim në fshatin Izvor, i cili po kryente detyrat e tij të punës në autostradë.

Si pasojë e aksidentit, L.J. ka pësuar lëndime të rënda trupore, ndërsa shoferi i automjetit ka marrë lëndime trupore. Lëndimet janë konstatuar në Spitalin Special “Shën Erasmo” në Ohër.

Me urdhër të prokurorit publik, shoferi K.Sh. është privuar nga liria, ndërsa hetimet në vendngjarje janë kryer nga ekipi hetimor i SPB Ohër.
Pas dokumentimit të plotë të rastit, do të paraqitet kallëzimi përkatës.

/ms