Përmbyllet me sukses ristrukturimi i nëndegëve të BDI-së në Kërçovë.

Bashkimi Demokratik për Integrim në Kërçovë ka përmbyllur me sukses procesin e ristrukturimit të nëndegëve. Ky proces u zhvillua në frymën e demokracisë së brendshme dhe pjesëmarrjes aktive të anëtarësisë, duke rezultuar me zgjedhjen e strukturave të reja që burojnë drejtpërdrejt nga vullneti dhe besimi i anëtarëve të BDI-së.

Strukturat e zgjedhura përfaqësojnë një ndërthurje të frymës së re me përvojën e kuadrove të dëshmuar, duke bashkuar profesionistë, intelektualë, të rinj dhe personalitete të respektuara, të gatshëm për të dhënë kontributin e tyre në zhvillimin politik dhe shoqëror të qytetit tonë.

Të udhëhequr nga vizioni dhe misioni i kryetarit Ali Ahmeti për avancimin e të drejtave kombëtare, barazinë, integrimin euro-atlantik dhe zhvillimin e qëndrueshëm të shoqërisë sonë, strukturat e reja do të jenë bartëse të proceseve politike dhe organizative në Kërçovë.

Me këtë ristrukturim, BDI në Kërçovë dëshmon edhe një herë pjekurinë e saj organizative, unitetin dhe gatishmërinë për të vazhduar rrugëtimin në shërbim të qytetarëve, duke mbetur shtëpia politike e shqiptarëve dhe zëri autentik i interesave të tyre.

/tvgurra