Memedi: Kuadrot e ASH dhe AAA dëshmuan se si qeverisim ne (VIDEO)

Një nga kontributet që kemi dhënë si opozitë është demaskimi i politikave. Kështu ka deklaruar nënkryetari i Aleancës Për Shqiptarët Remzi Memedi në emisionin “Enter” në televizionin Shenja. Ai ka theksuar se në programin e koalicionit Aleanca për Shqiptarët dhe Alternativa nuk ka asnjë projekt pompoz që nuk mund të realizohet, duke nënvizuar se dëshmi për këtë janë kuadrot të cilët kanë qenë pjesë e pushtetit dhe kanë krijuar model për qeverisje të mirë.

Remzi Memedi, nënkryetarë i Aleancës për Shqiptarët

“Për pozicionet që kemi mbajtur në legjislativ dhe ekzekutiv, si rrjedhojë del të jetë model i llogaridhënies. Ne i kemi 3 komuna. I fituam në vitin 2017 dhe për aq sa jam unë në dijeni se unë jam prej Kërçovë. Kumonat janë në Gostivarit, Bogovinës, Vrapçishtës, por jo të flas për modelin që instalojmë pasi në fund të fundit ne i përkasim një familje politike me shumë të drejtë dhe sigurisht që modeli që e krijojmë aty, të përpiqemi ta mbjellim edhe tek të tjerët që do të marrin nesër pushtet sepse deri tash kemi patur shumë pak njerëz me pushtet. Kemi qenë në një kohë 6 muaj në Qeveri”.

Gazetari Benjamin Arifi tha platforma e koalicionit AAA-ASH është përmbajtjesore, por rikujtoi se edhe platformat e BDI-së kanë qenë përmbajtësore në këto 18 vite, por të gjithë e dijnë se sa janë realizuar ato.

Benjamin Arifi, gazetar

“Sepse në përgjithësi vërejm një dalje shumë të ultë në rajonet shqiptare. Kjo ndodh edhe në njësibnë numër 5 ku kandidon kanditati për deputet. Dhe duhet sa më shumë që të flasim me këta qytetarë t’ua shpjegojmë ofertën politike si garues në zgjedhje dhe ti bindim ata që të dalin në zgjedhje. Sepse çfar ndodhë. Në vitin 2016 më kujtohet në zonën 2, për 50 vota nuk kaloi deputet i Rilindjes me Besë. Më duket se prap tash është në listat e koalicionit “Tash është koha” Admirim Aliti nga Kumanova dhe ai deputet i kaloi VMRO-DPMNE-së. Dmth mosdalja në zgjedhje dhe apatia politike e qytetarëve, fatkeqsisht po shndërrohet në dëm për partitë politike shqiptare”.

Analistja politike Gjyla Çeliku tha se opozita ishte e heshtur kur nuk janë mbajtur premtimet në Kërçovë, ajo theksoi se duhej t’i gjuanin me vezë funksionarët të cilët e keqpërdorën pushtetin.

Gjyla Çeliku, analiste politike

“Ti ke qenë opozitë dhe fundja nuk ke për momentin të japësh llogari ndaj meje se nuk të kam votuar. Por kur të të votoj, të njejtat veprime që i kam bërë me partinë në pushtet do ti bëj edhe me ty. Megjithëse ju, në Kërçovë flasim tash keni qenë opozitë e heshtur, nuk keni qenë ajo që kam dashur unë, ish dashur me ato vezët në ballë të ua gjuani atyre që kanë punësuar nëpër institucionet publike, kanë punësuar partiakë. Pse nuk kapeshit ju, ky institucion nuk është vetëm I partisë së juaj, ky është i qytetarëve të Kërçovës.”

Nënkryetari i Aleancës për Shqiptarët, Remzi Memedi tha se për fat të keq abstenimi dhe mos dalja e shqiptarëve në votim është e lartë dhe kjo sipas tij është e dëmshme për tërë procesin. Ai tha se nëse nuk dalin votuesit lihet hapësirë për manipulime.

VIDEO:

/shenja