Kompanitë nga Kërçova Oradora dhe Albography prezantojnë në Luzern orën e parë shqiptare

Luzern, Zvicër | 13 Qershor 2026
Pas prezantimeve të suksesshme në Tiranë dhe Prishtinë, kompania e orave Oradora dhe ajo e stilolapsave Albography, në bashkëpunim me Rrjetin Global të Bizneseve Shqiptare, do të prezantojnë produktet e tyre edhe në Luzern të Zvicrës, më 13 qershor 2026.

Aktiviteti do të mbledhë sipërmarrës, profesionistë dhe të ftuar të shumtë, duke krijuar hapësirë për bashkëbisedim, shkëmbim përvojash dhe zhvillim të bashkëpunimeve të reja.

Pika kulmore e ngjarjes pritet të jetë prezantimi ekskluziv i orës së parë shqiptare, para lançimit zyrtar në treg. Ky produkt sjell një koncept inovativ, duke ofruar dy mënyra përdorimi në të njëjtën shtëpizë: si orë dore dhe si orë xhepi.

Organizatorët ftojnë të gjithë të interesuarit të bëhen pjesë e këtij momenti të veçantë, që promovon kreativitetin, dizajnin dhe sipërmarrjen shqiptare në arenën ndërkombëtare.
Mirë se vini!

/tvgurra