Kur mungon punëtori dënohet, kur mungon ministri shpërblehet?

Nëse një punëtor i thjeshtë nuk paraqitet në punë për tre ditë, përballet me masa disiplinore dhe madje mund të humbasë vendin e punës. Kjo konsiderohet shkelje e rëndë e detyrimeve të punës.

Por çfarë ndodh kur një funksionar i lartë një ministër si Arben Fetai publik mungon për muaj të tërë nga detyra për të cilën paguhet nga taksat e qytetarëve? A vlejnë të njëjtat rregulla edhe për të?

Qytetarët kanë të drejtë të kërkojnë llogaridhënie dhe transparencë nga të gjithë zyrtarët publikë. Institucionet duhet të veprojnë në përputhje me ligjin dhe të sqarojnë çdo rast kur ekzistojnë dyshime për moskryerje të detyrave zyrtare.

Prandaj, është legjitime të shtrohet pyetja: A duhet që organet kompetente të reagojnë dhe të verifikojnë faktet, në mënyrë që ligji të jetë i barabartë për të gjithë, pa dallim funksioni apo pozite?

/tvgurra