Lufta me Iranin zbraz rezervat amerikane të naftës

Rajoni dhe Bota

Rezervat amerikane të naftës bruto, benzinës dhe naftës diesel po bien me ritme alarmante, ndërsa konflikti me Iranin dhe mbyllja e zgjatur e Ngushticës sëRezervat amerikane të naftës bruto, benzinës dhe naftës diesel po bien me ritme alarmante, ndërsa konflikti me Iranin dhe mbyllja e zgjatur e Ngushticës së Hormuzit vazhdojnë të godasin tregjet globale të energjisë.

Sipas të dhënave federale të publikuara të enjten nga Administrata Amerikane e Informacionit mbi Energjinë (EIA), rezervat tregtare dhe emergjente të naftës dhe produkteve energjetike ranë me 17.4 milionë fuçi vetëm javën e kaluar, pak para fundjavës së Memorial Day.

Kjo e çon nivelin sezonal të rezervave në pikën më të ulët që nga maji i vitit 2003.
Ekspertët paralajmërojnë se ritmi aktual i konsumimit të rezervave nuk mund të vazhdojë për shumë gjatë.
“Nuk mund të vazhdohet përgjithmonë me këtë ritëm”, deklaroi Andy Lipow, president i kompanisë Lipow Oil Associates.

Sipas raportit, administrata Trump po zbraz në mënyrë agresive Rezervën Strategjike të Naftës (SPR). Vetëm javën e kaluar, rezervat strategjike ranë me 9.1 milionë fuçi, pothuajse në të njëjtin nivel rekord si javën paraardhëse.

Në total, rezervat emergjente amerikane kanë humbur rreth 50 milionë fuçi gjatë vetëm dy muajve të fundit. Hormuzit vazhdojnë të godasin tregjet globale të energjisë.

Në total, rezervat emergjente amerikane kanë humbur rreth 50 milionë fuçi gjatë vetëm dy muajve të fundit.
“Kemi përshpejtuar jashtëzakonisht shumë tërheqjen nga rezervat strategjike”, deklaroi Bob Yawger, specialist i tregjeve të energjisë në Mizuho Securities.

Edhe rezervat e benzinës po bien ndjeshëm. Sipas të dhënave, niveli i benzinës në SHBA ka zbritur në pikën më të ulët për muajin maj që nga viti 2014.
Ndërkohë, rezervat e dieselit dhe produkteve të tjera të rafinuara kanë rënë në nivelin më të ulët që nga maji i vitit 2003.

Kriza lidhet drejtpërdrejt me mbylljen prej muajsh të Ngushticës së Hormuzit, një nga korridoret më të rëndësishme të transportit të naftës në botë. Bllokimi i kalimit ka detyruar industrinë energjetike amerikane dhe tregjet ndërkombëtare të mbështeten gjithnjë e më shumë tek rezervat ekzistuese.

Ekspertët paralajmërojnë se nëse konflikti vazhdon dhe Hormuzi mbetet i mbyllur, presioni mbi tregun energjetik dhe çmimet globale të karburanteve mund të rritet edhe më tej.

/tetova1