Kërçovë: INFORMIM për mbledhjen e lëkurave dhe mbetjeve të Kurbanit

Të nderuar besimtarë të rrethinës së Myftinisë së Kërçovës.
Meqë jemi në prag të Festës së madhe të Kurban Bajramit, lusim Allahun e Madhërishëm që të pranojë Kurbanet dhe sakrificën tuaj, njëkohësisht ju informojmë se:

• Në bashkëpunim me Ndërmarrjen Publike “Komunalec”, edhe këtë vit do të kemi stacion për mbledhjen e lëkurave dhe mbetjeve të Kurbaneve në Kërçovë.

Tri ditët e para të Kurban Bajramit, nga ora 10:00, deri në orën 17:00, do të kemi të vendosura Kontejnerë e Kamionë, në afërsi të “Varrezave të reja” në Kërçovë.

Ju lutemi dhe kërkojmë që lëkurat dhe mbetjet e Kurbaneve t’i vendosni brenda kontejnerëve dhe mos i lini në hapësirat jashtë tyre.

Falenderojmë kryetarin e Komunës së Kërçovës dhe drejtorin e ndërmarrjes, për gadishmërinë dhe shërbimin që e ofrojnë.

Allahu ju nderoftë.
Allahu ua pranoftë Kurbanet tuaja.
Me respekt; Myftinia e BFI – Kërçovë

/ms