Të gjunjëzuar e me duart e lidhura, ministri izraelit kritikohet ashpër mbi trajtimin e aktivistëve të flotiljes së Gazës

Presidenti i Këshillit Evropian, Antonio Costa, ka reaguar ashpër ndaj trajtimit të anëtarëve të flotiljes së ndihmave që tentonin të hynin në Gaza, duke e cilësuar situatën “të tmerrshme” dhe “plotësisht të papranueshme”.

Në një deklaratë në rrjetin social X, Costa kërkoi lirimin e menjëhershëm të aktivistëve, duke iu referuar një videoje të publikuar nga ministri izraelit Itamar Ben-Gvir, ku shfaqen aktivistët e ndaluar dhe policia izraelite gjatë procedurave të arrestimit.

Pamjet e publikuara tregojnë aktivistët e flotiljes të detyruar të gjunjëzohen me duart e lidhura pas shpine, ndërsa Ben-Gvir shihet duke u afruar dhe duke komunikuar me ta.

Australia, Australia, Zelanda e Re dhe disa zyrtarë të Bashkimi Evropian iu bashkuan dënimeve të enjten për videoklipin e ministrit izraelit Itamar Ben-Gvir, i cili u pa duke u tallur me aktivistët e ndaluar nga flotilja e ndihmave.

Ndërkohë, Polonia thirri të ngarkuarin me punë izraelit në lidhje me ndalimin e aktivistëve në një flotilje ndihmash për Gazën, përfshirë edhe shtetas polakë, tha të enjten ministri i jashtëm polak Radosław Sikorski.

“Polonia dënon me forcë sjelljen e përfaqësuesve të autoriteteve izraelite ndaj aktivistëve të Flotiljes Globale Sumud të ndaluar nga ushtria izraelite, përfshirë qytetarë polakë”, deklaroi Sikorski në X.

/euronews