Urime: Kërçovarja Liza Zenku shpallet “Best Student” në IBU – shembull suksesi dhe përkushtimi

Kërçovarja Liza Zenku është shpallur studentja më e mirë e gjeneratës “Best Student” në International Balkan University, në drejtimin e Inxhinierisë Kompjuterike.
Mirënjohja iu dorëzua nga Timço Mucunski ministri i Jashtëm i RMV, në një ceremoni solemne të organizuar nga universiteti.

Ky sukses vjen pas viteve të tëra përkushtimi, pune dhe angazhimi maksimal në studime, duke e bërë Lizën një shembull frymëzimi për të rinjtë nga Kërçova dhe më gjerë. Familjarët, miqtë dhe qytetarët e Kërçovës shprehen krenarë për arritjen e saj, duke e vlerësuar si një vajzë të dalluar me vlera njerëzore dhe akademike.

Shpallja e saj si studentja më e mirë dëshmon se puna, vullneti dhe besimi në ëndrra sjellin rezultate të mëdha. Për Lizën, ky sukses konsiderohet vetëm fillimi i një rruge të mbushur me sfida të reja dhe arritje profesionale në të ardhmen.

/tvgurra