Tv Gurra: Përfshirja e Shkodran Alilit në VLEN shoqërohet me pretendime për kërkesa për poste institucionale

Sipas informacioneve jozyrtare që qarkullojnë në disa qarqe politike, përfshirja e Shkodran Alilit në koalicionin VLEN thuhet se është shoqëruar me kërkesa për pozita të rëndësishme institucionale.

Burime politike pretendojnë se nga Adnan Azizi janë adresuar kërkesa që përfshijnë pozitën e kryesuesit të Këshillit të Komunës, drejtimin e TEC Osllomej, si dhe një funksion ministror në nivel qendror.

Po ashtu, në nivel lokal përmenden edhe disa drejtori, ndër to Komunalec Kërçovë dhe Kërçova Projekt, si dhe mundësia e përfshirjes në pozita drejtuese në institucione arsimore dhe këshilla drejtuese.

Deri më tani nuk ka konfirmim zyrtar nga palët e përfshira në këto pretendime.
Zhvillimet e fundit po ndiqen me vëmendje nga opinioni publik, ndërsa mbetet të shihet nëse negociatat politike do të rezultojnë në ndryshime konkrete në strukturat institucionale në periudhën në vijim.

/tvgurra