Ndërpriten hetimet për djalin e Jahoskit !

Prokuroria Themelore Publike për Ndjekjen Penale të Krimit të Organizuar dhe Korrupsionit ka lëshuar një urdhër për të ndaluar hetimin për prokurimin e naftës për nevojat e Termocentralit të Negotinës, ku përfshiheshin 13 persona, përfshirë biznesmenin Ratko Kapushevski, pronar i kompanisë RKM.

Prokuroria njoftoi se pas një hetimi njëvjeçar, nuk është vërtetuar se të dyshuarit kanë kryer krimet për të cilat akuzohen, as nuk është vërtetuar ekzistenca e një krimi tjetër që po ndiqet penalisht sipas detyrës zyrtare.

Objekt i hetimit ishin dyshimet për abuzime në procedurat për prokurimin e naftës për Termocentralin e Negotinës gjatë krizës energjetike, lidhja e paligjshme e kontratave dhe anekseve, si dhe pastrimi i parave.

“Provat tregojnë se procedurat në fjalë për prokurimin e naftës për karburant janë kryer në kushte të një krize energjetike të shpallur nga Qeveria e Republikës së Maqedonisë dhe në përputhje me përjashtimet ligjore të parashikuara në nenin 23 të Ligjit për Prokurimin Publik, me qëllim sigurimin e prodhimit të pandërprerë të energjisë elektrike”, thone nga prokuroria.

/tetova1