Irani hedh poshtë propozimin e SHBA-së, Trump reagon ashpër ?
Mediat shtetërore iraniane kanë njoftuar se udhëheqja e Iranit e ka refuzuar propozimin e SHBA-së për ndërprerjen e luftës në Lindjen e Mesme, pasi sipas tyre ai përbënte thirrje për dorëzim të Teheranit.
Pranimi i propozimit do të nënkuptonte që Republika Islamike t’u nënshtrohej “kërkesave të tepruara” të presidentit amerikan Donald Trump, raportoi në orët e hershme të mëngjesit Press TV, transmetues i lidhur me udhëheqjen iraniane, transmeton DPA.
Nga ana tjetër, plani i Iranit kërkon ndërprerje të luftës në të gjitha frontet dhe thekson se SHBA-ja duhet të paguajë reparacione lufte, raportojnë mediat shtetërore.
Sipas raportimeve, propozimi amerikan është refuzuar nga udhëheqja në Teheran.
Trump më herët e kishte kritikuar kundërpropozimin iranian për armëpushim si “plotësisht të papranueshëm”, kujton agjencia gjermane.
Presidenti Trump për portalin amerikan Axios deklaroi se do ta refuzojë përgjigjen “e papërshtatshme” të Iranit.
“Nuk më pëlqen përgjigjja e tyre”, tha Trump, duke refuzuar të japë më shumë detaje për përmbajtjen e letrës.
Trump nuk tregoi nëse SHBA-ja do të vazhdojë negociatat, transmeton DPA.
Sipas mediave shtetërore iraniane, Teherani ka kërkuar gjithashtu sovranitet të plotë mbi Ngushticën e Hormuzit, heqjen e sanksioneve dhe lirimin e pasurisë iraniane të konfiskuar.
Mosmarrëveshja rreth programit bërthamor të Iranit nuk ka qenë pjesë e përgjigjes, thuhet në raportet e transmetuara nga DPA.
Trump në Truth Social kritikoi përgjigjen iraniane ndaj propozimit të tij për përfundimin e luftës, duke e cilësuar si “plotësisht të papranueshme”.
“Sapo lexova përgjigjen nga të ashtuquajturit ‘përfaqësues’ të Iranit. Nuk më pëlqen – PLOTËSISHT E PAPRANUESHME! Ju faleminderit për vëmendjen ndaj kësaj çështjeje. Presidenti DONALD J. TRUMP”, shkroi ai mbrëmë në platformën e tij Truth Social.
Ai nuk dha detaje shtesë lidhur me propozimin.
isa orë më herët, Trump lëshoi edhe një paralajmërim për Teheranin në një postim të veçantë, duke thënë: “Ata nuk do të qeshin më!”
/infoshqip
