Rritja e çmimit të karburantit: Linjat ajrore reduktojnë shërbimet

Industria globale e aviacionit po përballet me rritje të mëdha të çmimit të karburantit, duke detyruar kompanitë ajrore të rrisin çmimet e biletave, të shtojnë tarifa dhe të reduktojnë fluturimet. Në mars, çmimi i karburantit për avionë u rrit me 31%, ndërsa kostot operative të kompanive ajrore u rritën ndjeshëm.

Shumë linja ajrore, si Air France, Lufthansa dhe United Airlines, kanë nisur të përdorin avionë më të vegjël, të anulojnë disa fluturime dhe të kufizojnë shërbimet në bord për të ulur shpenzimet. Delta Airlines, për shembull, po heq ushqimet dhe pijet në fluturimet e shkurtra.

Ndërkohë, tensionet në Lindjen e Mesme dhe rreziku i bllokimit të Ngushticës së Hormuzit po shtojnë frikën për mungesë karburanti në Evropë. Ekspertët paralajmërojnë se situata mund të përkeqësohet gjatë verës. Zvicra aktualisht ka rezerva karburanti për 72 ditë, më pak se niveli i parashikuar prej 90 ditësh.

/albinfo