Familja Saliu nga Kërçova shpreh mirënjohje ndaj Kongresmenit Keith Self për mbështetjen ndaj shqiptarëve

Familja Saliu ka shprehur mirënjohje të veçantë për kongresmenin amerikan Keith Self, pas pjesëmarrjes së tij në takimin e Shoqatës
Shqiptaro-Amerikane, të mbajtur në restorantin Saliu. Në mesazhin e tyre falënderues, familja vlerëson praninë dhe mbështetjen e kongresmenit për komunitetin shqiptar, me theks të veçantë për shqiptarët në Kosovë dhe Maqedoninë e Veriut.

Në të njëjtin mesazh, familja rikujton edhe një kapitull të rëndësishëm të historisë së saj gjatë Luftës së Dytë Botërore, kur paraardhësit e tyre shpëtuan dy pilotë amerikanë, duke dëshmuar humanizëm, guxim dhe besën shqiptare.

Sipas familjes Saliu, ky akt mbetet simbol i respektit për jetën, lirinë dhe miqësinë me popullin amerikan. Ata theksojnë se kjo trashëgimi vazhdon të frymëzojë brezat e sotëm në ruajtjen e vlerave të nderit, solidaritetit dhe respektit për lirinë.

/tvgurra