Tv Gurra: Ali Ahmeti Homazhe në Kërçovë dhe tek “Nëna Shqiptare”

Në Ditën e Dëshmorëve të Kombit Shqiptar, më 5 Maj, kryetari i BDI-së, Ali Ahmeti, ka bërë homazhe në Kompleksin “Nëna Shqiptare” në Kërçovë, si dhe pranë varreve të Gafurr Zendelit, Beqir Limanit dhe Ruzhdi Veliut.

Ahmeti ka nderuar me përulësi dhe respekt të thellë sakrificën e dëshmorëve të kombit, duke theksuar se kjo ditë mbart një peshë të veçantë historike dhe kombëtare.

Ai u shpreh se është përkulur para veprës së tyre të pavdekshme, duke rikujtuar se liria dhe dinjiteti i sotëm janë rezultat i sakrificës së tyre për atdheun.

Sipas tij, kujtimi i dëshmorëve mbetet frymëzim i përhershëm për brezat që vijnë, si dëshmi e përkushtimit dhe sakrificës për kombin.
Në fund, Ahmeti ka përcjellë mesazhin: “Lavdi e përjetshme të gjithë dëshmorëve të kombit shqiptar!”

/tvgurra