Dokumentar i shkurtër me Mërgimtarët Kërçovar në Amerikë (VIDEO)

Mbrëmë, bashkë me Husni Ashikun, patëm nderin të ndajmë një film të shkurtër që e drejtuam së bashku — një punë e ndërtuar nga zërat e familjeve kërçovare: prindër, mbesa dhe nipa që flasin për vendin, ikjen, mundin, gjuhën dhe dashurinë që nuk shuhet me largësinë.

E nisëm nga një dëshirë shumë personale: që Thana dhe brezi i saj ta njohin prejardhjen jo vetëm nga emrat dhe fotografitë, por nga zërat e gjallë të atyre që e kanë mbajtur familjen, vendin dhe kujtesën mbi supe.

Faleminderit me zemër familjeve që na besuan kujtimet e tyre dhe Shoqata “Uskana” USA që i dha hapësirë kësaj pune.
Shpresojmë që kjo të jetë vetëm fillimi dhe që bashkë të mund të nxisim edhe më shumë biseda të tilla, brez pas brezi, zë pas zëri — sepse çka s’ruhet, shuhet.
Shkruan Liridona Veliu Ashiku

VIDEO:

/ms