Irani: Do të sulmojmë forcat amerikane nëse përpiqen të hyjnë në Ngushticën e Hormuzit ?

Korpusi i Gardës Revolucionare Islamike (IRGC) i Iranit paralajmëroi sot se do të shënjestrojë forcat amerikane nëse ato përpiqen të afrohen ose të hyjnë në Ngushticën e Hormuzit, duke përshkallëzuar tensionet në rajonin tashmë të paqëndrueshëm, transmeton Anadolu.

“Ne paralajmërojmë se çdo forcë e armatosur e huaj, veçanërisht ushtria pushtuese amerikane do të sulmohet nëse ata përpiqen të afrohen dhe të hyjnë në Ngushticën e Hormuzit”, tha IRGC në një deklaratë të transmetuar nga transmetuesi shtetëror IRIB.

Sipas deklaratës, çdo kalim dhe lundrim i sigurt në ngushticë duhet të ndodhë në koordinim me Teheranin “nën çdo rrethanë”. Korpusi gjithashtu u kërkoi anijeve dhe tankerëve të “përmbahen nga çdo përpjekje për të kaluar” rrugën ujore pa koordinim paraprak, duke paralajmëruar se kjo mund të rrezikojë sigurinë e tyre.

Më parë, Komanda Qendrore e SHBA-së njoftoi se forcat e saj do të mbështesnin anijet tregtare që kërkojnë të kalojnë lirshëm Ngushticën e Hormuzit sipas “Projektit Liri” të presidentit Donald Trump.

/ms