Kërçova do të bëhet me shesh të rijë (VIDEO)

Komuna e Kërçovës promovon zgjidhjen ideore arkitektonike të përzgjedhur për rindërtimin, zgjerimin dhe dizajnin urban të sheshit ekzistues të qytetit, si një hap i rëndësishëm drejt krijimit të një hapësire publike më të rregulluar, më funksionale dhe më bashkëkohore në zemër të qytetit.

Pas realizimit me sukses të konkursit dhe vlerësimit të punimeve të dorëzuara, Komisioni për përzgjedhjen e zgjidhjes ideore mori vendim që punimi konkurrues me shifrën „TRIAD“ të renditet i pari, duke u dalluar për qasjen kreative, autentike dhe të menduar me kujdes në aspektin arkitektonik dhe urbanistik.

Kjo zgjidhje ideore e trajton sheshin e qytetit jo vetëm si hapësirë për lëvizje, por si qendër të gjallë të qytetit – vend për takime, qëndrim, ngjarje kulturore, aktivitete të përditshme dhe ndërveprim shoqëror. Koncepti krijon një “dhomë urbane” bashkëkohore, të hapur për të gjitha gjeneratat dhe për të gjithë qytetarët.

Veçanërisht e rëndësishme është se projekti parasheh lidhjen hapësinore të tri tërësive të sheshit: „Çlirimi“, „Bashkimi“ dhe „Vetënjohja“, në një hapësirë publike unike, harmonike dhe funksionale. Secili prej këtyre segmenteve ka rolin dhe vlerën e vet të veçantë:

🌿 „Çlirimi“ – si një hapësirë e re urbane reprezentative, me më shumë gjelbërim dhe lidhje natyrore me lokalitetin Kitino Kale;
🤝 „Bashkimi“ – si një hapësirë simbolike e bashkëjetesës, që lidh objektet e rëndësishme fetare dhe thekson karakterin multietnik të Kërçovës;
🎭 „Vetënjohja“ – si platformë kulturore në afërsi të Shtëpisë së Kulturës, me mundësi për ngjarje publike, kulturore dhe shoqërore.

Me këtë zgjidhje hapet mundësia për krijimin e një hapësire publike të vazhdueshme, fleksibile, gjithëpërfshirëse dhe estetikisht të rregulluar, e cila do ta respektojë kontekstin ekzistues historik dhe urban, ndërsa njëkohësisht do të sjellë energji të re, më shumë gjelbërim, funksionalitet më të mirë dhe pamje bashkëkohore në zonën qendrore të qytetit.
Projekti paraqet një vizion për një shesh që do të jetë më shumë se një hapësirë arkitektonike – ai do të jetë vend i përkatësisë, komunikimit, kulturës, lëvizjes dhe bashkimit.

Komuna e Kërçovës vazhdon me aktivitete të orientuara drejt avancimit të jetesës urbane, përmirësimit të hapësirave publike dhe krijimit të një mjedisi qytetar më të bukur, më të organizuar dhe më dinjitoz për të gjithë qytetarët.
✨ Së bashku e ndërtojmë Kërçovën si qytet bashkëkohor, të hapur dhe të gjallë – qytet me të ardhme.

VIDEO:

/ms