Arrestohen 17 shoferë , dy nga Kërçova

Gjatë 24 orëve të fundit, në territorin e gjithë vendit, nëpunësit policorë privuan nga liria 17 shoferë për drejtim të pakujdesshëm të mjeteve motorike.
Prej tyre, nëntë shoferë kanë drejtuar automjet pa patentë shoferi (gjashtë nga Shkupi, nga një nga Gjevgjelia, Prilepi dhe Kërçova), tre shoferë (dy nga Shkupi dhe një nga Kërçova) kanë drejtuar nën ndikimin e alkoolit, një shofer nga Dellçeva ka drejtuar motoçikletë papatentë shoferi, ndërsa dy nga Shkupi kanë drejtuar automjete me ndalim aktiv për drejtim. Gjithashtu, dy shoferë nga Shkupi kanë drejtuar automjete pa targa dhe pa patentë shoferi.

Një shofer nga Shkupi, të cilit i është konstatuar prania e alkoolit, ka shkaktuar aksident rrugor, me ç’rast ka humbur kontrollin dhe është përplasur në një kandelabër.
Pas dokumentimit të plotë të rasteve, do të parashtrohen parashtresa përkatëse.

U bëjmë thirrje të gjithë pjesëmarrësve në komunikacion që t’i respektojnë plotësisht rregullat dhe rregulloret e komunikacionit. Të mos drejtojnë automjet pa patentë shoferi, nën ndikimin e alkoolit ose përderisa u është shqiptuar masa e ndalimit për drejtim. Vetëm me sjellje të përgjegjshme mund të kontribuohet për një komunikacion më të sigurt dhe për mbrojtjen e të gjithë pjesëmarrësve në të.

/ms