Këshilltar i Kryetarit të BDI-së në Amerikë zhvilloi një takim me z. Jörg Fleck – Drejtor i Lartë për Evropën
Në Washington, DC, Shemshedin Beqiri, Këshilltar i Kryetarit të BDI-së, zhvilloi një takim me z. Jörg Fleck – Drejtor i Lartë për Evropën në Atlantic Council dhe ekipin e tij të ngushtë për të diskutuar zhvillimet aktuale në Maqedoninë e Veriut.
Biseda trajtoi veprimet e fundit që prekin Marrëveshjen Kornizë të Ohrit, çështjet që lidhen me gjuhën shqipe, si dhe rritjen e tensioneve ndëretnike. Diskutimi përfshiu gjithashtu implikimet më të gjera për procesin e integrimit europian të vendit.
Të dyja palët ranë dakord të qëndrojnë në kontakt dhe të vazhdojnë dialogun në një takim të radhës me një përbërje të zgjeruar.
/ms
