Urime: Lenart Kadriu nga Kërçova përzgjidhet për Lojërat Olimpike Juniore në Tajvan

Një talent i ri me origjinë nga Kërçovë, Lenart Kadriu, është përzgjedhur për të marrë pjesë në Lojërat Olimpike Juniore që do të mbahen nga 29 korriku deri më 8 gusht 2026 në Hualien.
Në moshën 14-vjeçare, ai do të përfaqësojë Zvicrën, konkretisht qytetet Vevey dhe Montreux, në tenis, me objektiv të qartë – arritjen e podiumit dhe fitimin e medaljes.

Kadriu do të grumbullohet me ekipin e komunave respektive, së bashku me trajnerin e tij personal, në kuadër të përgatitjeve intensive për këtë event ndërkombëtar.
Në Zvicër, ai njihet si sportist i konfirmuar me “Talent Card” nga Swiss Olympic.

Me paraqitje të shkëlqyera në turne evropiane, Kadriu numëron 6 medalje në Evropë dhe mbi 60 në total me Zvicrën.
Aktualisht, ai po merr pjesë edhe në një turne në Shkup, duke shënuar paraqitjen e tij të parë në Maqedoninë e Veriut.

/tvgurra