A shkaktohen gurët në veshka nga ushqimet ?
Kohët e fundit është pretenduar se shumica e gurëve në veshka vijnë nga oksalatet në perime si spinaqi apo bajamet. Por kjo është pjesërisht e pasaktë.
Rreth 70–80% e gurëve janë kalcium-oksalat, por ato formohen kur këto substanca bashkohen në urinë, sidomos në rast dehidratimi, çrregullimesh metabolike ose diete të pabalancuar – jo thjesht nga konsumimi i perimeve.
Perimet me oksalate nuk janë shkak direkt, sepse shumica e oksalateve lidhen me kalciumin në zorrë dhe eliminohen. Rreziku rritet kryesisht nga mungesa e ujit, dieta me shumë kripë e proteina shtazore, mungesa e kalciumit dhe probleme të zorrëve.
Rekomandohet hidratim i mirë, dietë e balancuar dhe jo shmangie e perimeve. Gurët në veshka janë një problem kompleks ku ndikojnë disa faktorë, jo vetëm ushqimi.
/ms
