Ministri Fatmir Limani takon ministren shqiptare Evis Sala, fokus në bashkëpunimin social

Ministri Fatmir Limani, në kuadër të vizitës së tij në Shqipëria, zhvilloi një takim bilateral me Evis Sala, Ministre e Shëndetësisë dhe Mirëqenies Sociale.

Gjatë takimit u diskutua për thellimin e bashkëpunimit në fushën e politikave sociale dhe mbrojtjen e kategorive të cenueshme. Palët shkëmbyen përvoja mbi reformat në mbrojtjen sociale, me theks në përmirësimin e shërbimeve, mbështetjen për fëmijët, personat me aftësi të kufizuara dhe familjet në rrezik, si dhe procesin e deinstitucionalizimit, ku Maqedonia e Veriut ka shënuar progres të rëndësishëm.

Në fokus ishte edhe forcimi i sistemeve të mbrojtjes së fëmijëve, zhvillimi i hershëm, lufta kundër dhunës ndaj grave dhe avancimi i barazisë gjinore. Gjithashtu u diskutua për digjitalizimin e shërbimeve sociale dhe politikat demografike e rinore.

Të dyja palët konfirmuan gatishmërinë për avancimin e bashkëpunimit bilateral, përfshirë takime teknike dhe mundësinë e nënshkrimit të një Memorandumi Mirëkuptimi, me synim përfitime konkrete për qytetarët. 👥

/tvgurra