Arrestohet i dehuri që goditi këmbësorin dhe u largua nga vendi!

Një drejtues mjeti nga rajoni i Ohrit është privuar nga liria, pasi ka goditur një këmbësor dhe është larguar nga vendi i ngjarjes. Pas masave të ndërmarra, ai është gjetur dhe është konstatuar se kishte 2.78 promilë alkool në gjak.

Më 13.04.2026, në orën 16:05, në SPB Ohër është raportuar se në rrugën „Klenoec“ në Ohër, një automjet pasagjerësh i markës „Opel“ me targa të Ohrit, i drejtuar nga Z.J. (52) nga fshati Gorno Lakocerej, rajoni i Ohrit, ka goditur këmbësorin A.N. (55) nga fshati Sviništa, rajoni i Ohrit, dhe është larguar nga vendi i ngjarjes.

Në aksident, këmbësori ka pësuar lëndime të rënda trupore, të konstatuara në Spitalin Special „Shën Erasmo“ në Ohër. Pas masave të ndërmarra nga zyrtarët policorë të SPB Ohër, drejtuesi Z.J. është gjetur dhe, me urdhër të prokurorit publik, është privuar nga liria, ndërsa automjeti është sekuestruar. Gjatë kontrollit është konstatuar se Z.J. ka qenë nën ndikimin e alkoolit, përkatësisht me 2.78 promilë alkool në gjak.

Gjithashtu, edhe te A.N. është konstatuar prania e 1.34 promilëve alkool në gjak. Është kryer këqyrje nga ekipi hetimor i SPB Ohër dhe, pas dokumentimit të plotë të rastit, do të paraqitet kallëzimi përkatës.

/ms