Fotografitë që flasin për shpirtin e Kërçovës ?

Në shkollën fillore “Sande Shterioski” në Kërçovë u realizua projekti “Fotografitë që flasin për shpirtin e Kërçovës”, një iniciativë që solli më pranë traditat, rrënjët dhe pasurinë kulturore të kësaj treve.

Për realizimin e këtij projekti u angazhuan dhe kontribuan mësueset Emine Limani dhe Rina Jusufi, të cilat udhëhoqën me përkushtim gjithë procesin.
A flasin fotografitë? Ndoshta jo me zë, por ato mbajnë brenda tyre jehonën e një populli, kujtesën e një kulture dhe shpirtin e një vendi.

Ky projekt lindi si një përpjekje për të dëgjuar atë që shpesh e shohim, por nuk e ndiejmë mjaftueshëm. Përmes tij u sollën më pranë traditat dhe bukuria e trashëgimisë së Kërçovës – një pasuri që jeton në secilin prej nesh.

Falënderim i veçantë për të ftuarin e nderuar, prof. Ilmi Veliu, për praninë dhe vlerësimin që i dha këtij projekti.
Mirënjohje e thellë për nxënësit, të cilët me përkushtimin dhe shpirtin e tyre e kthyen këtë ide në një rrëfim të gjallë.

Një falënderim i veçantë shkon edhe për ata që ndanë kujtimet dhe rrëfimet e tyre përmes intervistave, duke pasuruar këtë nismë:
Mustafa Ramadani (Greshnicë), për rrëfimet mbi jetën dhe të kaluarën e fshatit;
Qamil Qamili (Shitovë), për tregimet mbi linjën hekurudhore dhe trenin;

Bajram Çeliku (Cërvicë), për historinë e fshatit;
Remzi Arsllani (Prapadishtë), për rrëfimin mbi “Varri i Nuses”.
Faleminderit të gjithë mësuesve që kontribuan dhe besuan në këtë iniciativë.
Sepse në fund… fotografitë flasin.
Dhe ne zgjodhëm t’i dëgjojmë.

/tvgurra