Çfarë duhet të dini rreth sistemit Europës para futjes së tij më 10 prill?

Sistemi i Hyrje/Daljes (EES) do të bëhet plotësisht funksional në BE dhe zonën Shengen më 10 prill 2026, duke zëvendësuar vulat e pasaportave me regjistrim digjital të hyrjeve, daljeve dhe refuzimeve. Ai zbatohet për shtetasit jashtë BE-së që udhëtojnë për qëndrime të shkurtra (deri në 90 ditë në 180 ditë).

Sistemi do të mbledhë të dhëna biometrike si fotografia e fytyrës dhe gjurmët e gishtërinjve (jo për fëmijët nën 12 vjeç). Regjistrimi bëhet në kufi, ndërsa pasaportat biometrike mundësojnë procedura më të shpejta përmes kioskave automatike.

Qëllimi i EES është të rrisë sigurinë, të parandalojë mashtrimet me identitet dhe qëndrimet e paligjshme, si dhe të përmirësojë kontrollin kufitar. Megjithatë, në fillim priten edhe radhë dhe vonesa më të gjata në kufi.

Sistemi është zbatuar gradualisht që nga tetori 2025 dhe nga 10 prilli 2026 do të funksionojë plotësisht në të gjitha kufijtë e jashtëm të vendeve që e përdorin.

/lajmpress